ekerk Lewendig | Die Podcast

[ HEMELVAART ] U Woord is my wegkruipplek en rigtingwyser | Pierre Engelbrecht

𝗝𝘆’𝘀 𝘂𝗶𝘁𝗴𝗲𝗻𝗼𝗼𝗶 𝗻𝗮 𝗲𝗞𝗲𝗿𝗸 𝗟𝗲𝘄𝗲𝗻𝗱𝗶𝗴 𝗣𝗶𝗻𝗸𝘀𝘁𝗲𝗿!

Op Hemelvaart vier ons nie ’n afskeid nie, maar ’n nuwe teenwoordigheid. Jesus is nie meer op aarde nie, maar Hy los ons nie rigtingloos nie. Sy Woord en Gees bly ons gids en veilige skuilplek.

Ons tema vir Donderdag, 29 Mei om 19:00 is: "U Woord is my wegkruipplek en rigtingwyser."
Pierre Engelbrecht sluit ons Pinksterreeks af met ’n kragtige boodskap uit Psalm 119:105–112.

Kom vier saam — en vind weer jou rigting en rus in God se Woord.

[ PINKSTER ] - Maak my oë oop: Leer my om reg te kyk | Pierre Engelbrecht

𝗝𝘆’𝘀 𝘂𝗶𝘁𝗴𝗲𝗻𝗼𝗼𝗶 𝗻𝗮 𝗲𝗞𝗲𝗿𝗸 𝗟𝗲𝘄𝗲𝗻𝗱𝗶𝗴 𝗣𝗶𝗻𝗸𝘀𝘁𝗲𝗿!

Soms kyk ons, maar sien nie regtig nie. Hierdie Pinkster nooi jou om jou hart en oë oop te maak vir die manier waarop God kyk — deur die Gees en die Woord.

Ons tema vir Woensdag, 28 Mei om 19:00 is: "Maak my oë oop: Leer my om reg te kyk."

Pierre Engelbrecht help ons ontdek hoe Psalm 119:17–24 ons leer om met nuwe oë te sien — soos God sien.

[ PINKSTER ] Vasbeslote om vas te byt. | Stephan Joubert

𝗝𝘆’𝘀 𝘂𝗶𝘁𝗴𝗲𝗻𝗼𝗼𝗶 𝗻𝗮 𝗲𝗞𝗲𝗿𝗸 𝗟𝗲𝘄𝗲𝗻𝗱𝗶𝗴 𝗣𝗶𝗻𝗸𝘀𝘁𝗲𝗿!

God se Woord is nie net iets om te lees nie — dis iets om vas te gryp, op te leef en aan vas te byt. Hierdie Pinksterreeks herinner ons daaraan dat die Heilige Gees ons krag gee om aan God se waarheid vas te hou, selfs wanneer dit moeilik raak.

Ons tema vir Dinsdag, 27 Mei om 19:00 is:
"Vasbeslote om vas te byt: Ek kan nie wag om God se Woord te doen nie."

Stephan Joubert bring ’n kragtige boodskap uit Psalm 119:49–52.

 

[ PINKSTER ] Hoe lief het ek U wet... hoe mooi skitter U Woord in my lewe | Stephan Joubert

𝗝𝘆’𝘀 𝘂𝗶𝘁𝗴𝗲𝗻𝗼𝗼𝗶 𝗻𝗮 𝗲𝗞𝗲𝗿𝗸 𝗟𝗲𝘄𝗲𝗻𝗱𝗶𝗴 𝗣𝗶𝗻𝗸𝘀𝘁𝗲𝗿!

Die Gees en die Woord is nie net rigtingwysers nie — hulle is Leermeesters wat jou hart en denke nuut maak. Hierdie Pinksterreeks help jou ontdek hoe God se Woord jou daaglikse lewe kan vorm.

Ons tema vir Maandag, 26 Mei om 19:00 is: "Hoe lief het ek U wet... hoe mooi skitter U Woord in my lewe." Stephan Joubert deel insigte uit Psalm 119:97–103 wat jou honger sal maak vir meer van God se Woord.

[ PINKSTER ] My nuwe Leermeester(s) verander my hele lewe | Stephan Joubert

𝗝𝘆’𝘀 𝘂𝗶𝘁𝗴𝗲𝗻𝗼𝗼𝗶 𝗻𝗮 𝗲𝗞𝗲𝗿𝗸 𝗟𝗲𝘄𝗲𝗻𝗱𝗶𝗴 𝗣𝗶𝗻𝗸𝘀𝘁𝗲𝗿!

Kom ontdek saam hoe die Heilige Gees en die Bybel ons nie net leer nie, maar jou hele lewe kan transformeer. Hierdie Pinkster nooi ons jou na ’n reis met nuwe Leermeesters — die Heilige Gees en God se Woord — wat jou help leef met betekenis, rigting en geloof wat werklik werk.

Leef Teenwoordig | Pierre Engelbrecht

Ons kuier saam met Pierre Engelbrecht met die tema: “Leef Teenwoordig – Wanneer God Aangevoel Word en Vorm Gee”

 

Ons gaan saam met Paulus ontdek hoe ’n oop verstand, ’n brandende hart en ’n gehoorsame wil ons help om God se teenwoordigheid regtig te beleef, en uit te leef.

Die Oefenpad van Geloof | Pierre Engelbrecht

Hoe ervaar jy God se nabyheid deur die week?
Baie van ons sukkel daarmee, asook om Sy stem te hoor. Dit is hoekom ons jou nooi om saam met ons op ’n pad van voorbereiding te stap, op pad na Pinkster.

Kom kuier saam met Pierre Engelbrecht waar hy gesels oor: “Die Oefenpad van Geloof: Die Opgestane Here en die Pad van Transformasie”. Ons staan stil tydens hierdie preek by Lukas 24:13–35.

Ons ontmoet die opgestane Jesus op die Emmauspad — ’n pad waar Hy ons help om weer te sien, te glo en nuut te leef. ’n Oefenpad van oop verstand, oop hart en oop wil.

#eKerkLewendig #OpgestaneHere #Pinksterpad #GodIsNaby

Vanaf die kruis to by ons ewige huis | Stephan Joubert

“Vanaf die kruis tot by ons ewige huis.” deur Stephan Joubert. Ons vier ook nagmaal – maak dus solank jou brood en wyn of druiwesap reg. Waar jy ook al is, nooi Jesus jou na Sy tafel toe. Kom verdiep jou geloof, beleef die liefde van Christus, en wees deel van iets groter – ’n geloofsfamilie wat saam groei.